Here is a one more offbeat topic from this blog just meant to learn something to improve relations and lifestyle

Things to do when you have a Teenagers in the house

Aajkal ka maahol aisa ho gaya hai jab na to bachche parents ki baate sun na pasand karte hai aur na hi parents bachcho ki.
Aaj main aapke samne kuch Tips lekar ayi hu jis se aap ghar ke mahul ko ek khushnuma mahul main badal sakte hai.

Aaiye jante hai kuch tips ke ware main…

1.   Bachcho ki baatein sune –

Bachcho ko hamesha ye shikayat rehti hai ki hamari baate koi sun na hi nahi chahta. Agar bachche apni baate parents ke sath share karte hai to unhe har dum friends ki jarurat jyada nahi padti.

Aap bhi apne bachcho ki baate dhyan se sun ne aur samjhne ki koshish kare. Unhe pori freedom de ki wo apni baate openly aap se bol sake.

2.   Bachcho Par Cheeke Nahi:

Bachcho ko har samay apne control main rakhne ke liye cheekna chillana jaruri nahi hota.

Aap unhe apni baat aaram se bol kar bhi samjha sakte hai

3. Bachcho ki dost bane:

Jyadatar parents bachcho ke sath dosto wala behave nahi kar pate. Unhe lagta hai hum bade hai to bachcho ke sath duri bana kar rakhe.

Ab zamana badal chuka hai. Aap apne bachcho ke dost ban kar dekhiye . Bachche aapki baate sun ne lagenge.

4. Time Spend Kare:

Aap apne bachcho ke sath time Spend kariye. Unke sath baithiye.
Aap jab apne bachcho ke sath time Spend karne lagenge to unhe bhi achcha lagega.

Aap unke sath koi movie dekhiye. laptop main game kheliye.

5. Bachcho ki Pasand….

Aap jis tarah bachcho ki pasand ka khana banate samay khayal rakhte hai bilkul usi tarah thoda sa khayal unke mood ka bhi rakhiye. Unhe kis tarah se baithna pasand hai, kiske sath time Spend karna pasand hai, kis chez se unhe jyada khushi milti hai.
Aap apne bachcho ke sath unki dost baniye. Unke sath hasi majak kariye. Unke sath games kheliye. Unhe apne sath bahar ghumane lekar jaiye.

Aap jab ye 5 tips follow karenge to aapko apne bachcho ka pyar, unka sath, unki care wo sab kuch milega jiske aap such main haqdar hai.

Baniye apne bachcho ke asli friend

Shipra Singh

For more such tips kindly follow my blog, you can also post a comment below, thank you for your time.